Golaha Wasiirrada Soomaaliya oo isku raacay in Ra’iisul Wasaaraha Turkiga loo aqoonsado Shaqsiga Sannadka

Isniin, December 26, 2011 (HOL) − Shir aan caadi ahayn oo golaha wasiirada DKMG ah ay maanta ku yeesheen Muqdisho ayaa looga hadlay shaqsiga mudan in la siiyo sannadkan billad sharafta ay Qarammada Midoobay bixiso ee loo yaqaan United Nations Population Award.

Kulanka wasiirrada oo uu guddoominayay ku simah ra’iisul wasaaraha, ahna wasiirka arrimah dibadda Soomaaliya, Maxamed Maxamuud Xaaji Ibraahim ayaa u sharraxay wasiirrada billad sharafta Qarammada Midoobay ay bixiso iyo in dowladda KMG ah ee Soomaaliya looga baahan yahay inay si deg-deg ah u gudbiyaan shaqsiga ay u arkaan inuu muteystay billaddan.

Sanad walba guddiga Qarmamada Midoobey u qaabilsan billad sharafta (United Nations Population Award) ayaa waxay guddoonsiiyaan shaqsigii ama hay’adii loo garto inay kaalin mug leh ka qaateen dhiirri-gelinta ama wecyi-gelinta bulshada caalamka ama xalintooda.

Bilad Sharaftan ayaa waxaa lagu aasaasay qaraarkii golaha guud ee Qarammada Midoobey 36/201, ee bishii november 1981, iyadoo markii ugu horreysay la bixiyey 1983-dii. Billaddu waxay isugu jirta: billadda dahab ah, shahaado iyo lacag.

Dowladda KMG ah ee Soomaaliya ayaa waxaa laga sugayaa ka hor 31-ka December 2011; inay gudbiyaan shaqsiga ay u garteen inuu mudan yahay bilad sharaftan.

Golaha wasiirrada oo aad uga dooddan arrintan ayaa waxay u garteen ra’iisul wasaaraha dalka Turkiga, Recep Tayyip Erdoğan in loo aqoonsado shaqsiga ugu mudan caalamka in la guddoonsiiyo billad sharaftan, isla markaana ay dowladda Soomaaliya u gudbiso Qarammada Midoobay musharaxnimadiisa.

Qarammada Midoobey ayaa ku dhawaaqi doonto shaqsiyaadka muteystay billad-sharaftan bisha Maarso ee sannadka 2012, iyadoo xoghayaha guud uu guddoonsiin doono shaqsigaas biladda marka la gaaro bisha Juun ee 2012.

Advertisements
Categories: Truth to Power | Leave a comment

Post navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog at WordPress.com.

%d bloggers like this: